Бедарак йўқолган боланинг жасади қудуқдан топилди

Зангиота туманида 2021 йилда туғилган бола яшаш хонадони яқинидаги қудуқ ичидан ўлик ҳолда топилди. Бош прокуратура матбуот хизмати раҳбари Ҳаёт Шамсутдиновга кўра, бола бир кун давомида қидирилган.

Бугун 30 август куни 2 ёшли бола ўлик ҳолатда топилган.

Аниқланишича, жорий йилнинг 29 август куни соат тахминан 17:30 атрофида Зангиота тумани, Эркин ҳудуди, Қаҳрамон маҳалласида яшовчи 2021 йилда туғилган И.У. яшаш хонадонидан номаълум томонга чиқиб, қайтиб келмаган.

Ҳозирда мазкур ҳолат юзасидан туман прокуратураси томонидан терговга кадар текширув ҳаракатлари олиб борилмоқда.