Зангиотадаги заправкада ёнғин юз берди, уч киши жароҳатланди
Газ тўлдириш шохобчаси ҳудудида ўрнатилган пропан сақлаш сиғими ва пропан газ ташишга мўлжалланган махсус автомобилда портлаш рўй берган.
Зангиотадаги заправкада ёнғин юз берди. Уч киши жароҳатланган.
16 июл куни соат 22:46 да Тошкент вилояти ФВББга, Зангиота туманидан ўтган М-39 автомобил йўлида жойлашган автомобилларга пропан газ тўлдириш шохобчаси ҳудудида ўрнатилган пропан сақлаш сиғими ва пропан газ ташишга мўлжалланган махсус автомобилда чақнаш рўй берганлиги тўғрисида хабар келиб тушган.
Хабарга асосан, қутқарув бўлинмалари айтилган манзилга тезкорлик билан етиб боришган. Вазият тўлиқ назоратга олинган.
Дастлабки, маълумотларга кўра уч нафар фуқаро тан жароҳати олиб, тез тиббий ёрдам ходимлари томонидан биринчи тиббий ёрдам кўрсатиш учун шифохонага олиб кетилган.
Ҳозирда ёнғин тўлиқ ўчирилгани маълум қилинди.
