Россияда пенсионер икки ўзбекистонликни қулликда ушлаб тургани аниқланди
Қайд этилишича, қария 71 ёшда бўлиб, Ставропол ўлкасида яшаган.
Россияда пенсионер икки нафар Ўзбекистон фуқаросини 20 минг рублга сотиб олиб, олти ой давомида ўз фермасида ишлашга мажбур қилди, дея ёзади Россия ОAВлари.
Қайд этилишича, қария 71 ёшда бўлиб, Ставропол ўлкасида яшаган.
2022 йил охирида нафақахўр икки дўсти билан Россияда ноқонуний яшаб, қулликка айланган 31 ёшли эркак ва 27 ёшли аёлни номаълум шахслардан сотиб олган.
Муҳожирлар Шпаковский муниципал туманидаги “Aвиатор” боғдорчилик ширкатида нафақахўрнинг дача уйида ишлаган. Эркак ўзбекистонликларни туман милицияси ходими топгунига қадар тахминан олти ой ушлаб турган.
Натижада нафақахўр қонунга зид равишда озодликдан маҳрум қилиш ва ноқонуний миграция бўйича қўзғатилган жиноят ишида айбланувчига айланди. Эркак ҳибсга олиниб, қамоққа жўнатилди. Унинг шериги уй қамоғига олинган. Номаълум одам сотувчилар қидирилмоқда.
