Самарқандда 49 киши фаст-фуддан заҳарланди
Шифохонага келтирилган беморларнинг 29 нафарига уйига жавоб берилган.
Жамият
22 август 2023 йил
![Самарқандда 49 киши фаст-фуддан заҳарланди](https://cp.platina.uz/media/CACHE/images/photo_2023-08-22_09-29-57.3be8fb661768.webp)
Самарқандда 49 нафар фуқаро вилоят юқумли касалликлар шифохонасига ётқизилди. Улар овқатдан заҳарлангани айтилмоқда.
Самарқанд вилояти телевидениеси эфирида айтилишича, уларнинг барчаси шаҳар марказида жойлашган Fast Food марказида хот-дог истеъмол қилганидан кейин соғлиғи ёмонлашган. Жабрланганлар орасида болалар ҳам бор.
Шифохонага келтирилган беморларнинг 29 нафарига уйига жавоб берилган. Қолган 20 нафари даволанишни давом эттирмоқда.
Шифокорларнинг сўзларига кўра, беморларнинг ҳаётига ҳеч нарса таҳдид солмаяпти.