Мирзиёев ва Эрдўғон учрашади
Лекин ҳозирча учрашув қаерда ўтиши маълум эмас.
Ўзбекистон президенти Шавкат Мирзиёев ва Туркия раҳбари Ражаб Тоййиб Эрдўғон ўзаро учрашиши мумкин. Лекин учрашув жойи маълум қилинмаган.
Бугун икки давлат раҳбари ўзаро телефон мулоқоти ўтказган.
"Бўлажак қўшма тадбирлар режаси, хусусан, олий даражадаги Стратегик ҳамкорлик кенгашининг навбатдаги йиғилишини ўтказиш масалалари кўриб чиқилди.
Минтақавий кун тартибидаги масалалар юзасидан ҳам фикр алмашилди", дейилади хабарда.
Шунингдек, Саноат кооперацияси бўйича, шу жумладан энергетика, тоғ-кон, озиқ-овқат, тўқимачилик ва бошқа тармоқларда янги лойиҳаларни илгари суриш муҳимлиги таъкидланган.
