АҚШ рекорд даражадаги маблағни мудофаа учун ажратади

AҚШ Сенати 880 миллиард долларлик мудофаа харажатлари тўғрисидаги қонун лойиҳасини маъқуллади. Лекин ушбу лойиҳа Вакиллар палатасига тақдим этилган ҳужжатдан фарқ қилади, дея маълумот бермоқда C-SPAN телеканали.

Вакиллар палатаси ва Сенат версиялари ўртасидаги тафовутлар демократлар ва республикачилар ўртасидаги ўзаро қарама-қаршиликлар сабабдир. Масалан демократлар ҳарбийлар жинсини ўзгартириши учун пул ажратиш тарафдори саналади.

Ушбу ва бошқа қарама-қаршиликлар қонун лойиҳаси AҚШ президенти Жо Байденга имзолаш учун юборилишидан олдин келишув комиссияси томонидан ҳал қилиниши керак.

Мудофаа бюджети Украинага бериладиган ATACMS оператив-тактик ракета тизимлари учун 80 миллион доллар, шунингдек, Хавфсизлик ташаббуси доирасидаги ёрдам учун 300 миллион долларни ҳам ўз ичига олади.

Эслатиб ўтамиз, АҚШ 2021 йил мудофаа учун 740 млрд доллар, 2022 йил эса 750 млрд. доллар ажратган.