ОАВ: Европани даҳшатли иссиқ кутмоқда

Европанинг жанубий мамлакатларида яқин кунларда Саҳрои Кабирда юз берган термал портлаш туфайли ҳаддан ташқари иссиқлик кузатилиши мумкин.

Бу ҳақда об-ҳаво маълумотларига таяниб, Bloomberg хабар бермоқда.

"Саҳрои Кабирдаги янги термал портлаш Европа учун янада экстремал шароитларни яратади", дейилади материалда.

Метеорологик прогнозларга кўра, Италияда ҳаво ҳарорати рекорд даражадаги +50 ° С га етиши мумкин. Таъкидланишича, Европада ҳарорат рекорди 2021 йилда қайд этилган - ўша пайтда Сицилияда + 48 ° C бўлган, аммо Шимолий Aфрикадан келган янги иссиқлик тўлқини бир вақтнинг ўзида бир нечта Европа минтақаларидаги кўрсаткичларни янгилаши мумкин.

Мақолада қайд этилишича, айни пайтда Aфина, Рим ва Мадридда аномал иссиқ ҳаво кузатилмоқда.