Самарқандда қум бўрони бошланди
Ҳудуддаги кучли шамолдан кейин бир қатор туманларда электр таъминоти узиб қўйилган.
Самарқанд вилоятининг айрим ҳудудларида кучли қум бўронлари кузатиляпти. Кучли шамол эса уларни пойтахт сари бошлаб бормоқда.
Натижада соат 11:30 ҳолатига айрим электр узатиш тармоқлари хавфсизликни таъминлаш мақсадида ўчирилган. Масалан, Жомбой, Пастдарғом ва Булунғур туманларининг айрим ҳудудларида электр таъминотида узилиш кузатилмоқда.
Энергетика вазирлигининг айтишича, ҳудудда кучли шамол пасайгандан сўнг электр таъминоти қайта тикланади.
