Самарқанддаги аянчли ЙТҲда 4 киши ҳалок бўлди

8 июнь куни соат 19:30 ларда Ургут тумани “Омонқўтон” маҳалласи ҳудудидан ўтувчи йўлда “Кобалт” ҳайдовчиси бошқарувни йўқотиб, йўлнинг қарама-қарши томонидан ҳаракатланиб келаётган “Камаз” юк машинаси билан тўқнашиб кетган.

Натижада “Кобалт” ҳайдовчиси ва ичидаги 3 йўловчи олган тан жароҳатлари оқибатида ҳодиса жойида вафот этган.

Шунингдек, “Камаз” автомашинаси ҳайдовчиси Ургут тумани тиббиёт бирлашмасига ётқизилган.

Мазкур ҳолат юзасидан туман ИИБ ҳузуридаги ТБ томонидан ЖКнинг 266-моддаси 3-қисми “а” банди билан жиноят иши қўзғатилган.