Ўзбекистон Шимолий Корея ракеталаридан хавотир оляпти
Бу Шимолий Кореянинг биринчи ҳарбий разведка сунъий йўлдошини учиришга уринишидир.
Ташқи ишлар вазирлиги Шимолий Корея томонидан 31 май куни ташувчи космик ракета учирилганидан хавотир билдирган. ТИВ матбуот хизмати ушбу ҳолат «Корея яриморолидаги кескинликнинг янада кучайишига олиб келади», деб айтган.
«БМТ Хавфсизлик кенгаши резолюцияларидан келиб чиқадиган мажбуриятларга мувофиқ оммавий қирғин қуролларининг барча турларини синовдан ўтказишдан бош тортиш тарафдоримиз», — дейилган хабарда.
Бу Шимолий Кореянинг биринчи ҳарбий разведка сунъий йўлдошини учиришга уринишидир. Воқеадан кўп ўтмай, ракета денгизга қулаб тушган. Жанубий Корея армияси эса ракета қолдиқларини топган.
