Индонезияда наркобарон ўзбеклар ҳибсга олинди

Индонезиянинг Бали полицияси гиёҳванд моддалар савдоси билан шуғулланаётган 7 кишини ҳибсга олди.

Маълум қилинишича, қўлга олинганлар орасида Ўзбекистон фуқаролари ҳам борлиги айтилмоқда.

"Бизда жиноят содир этганликда гумон қилинаётган 7 киши бор. Улардан 3 таси россиялик. Бундан ташқари, жиноий гуруҳда Ўзбекистон фуқаролари ҳам иштирок этган, – дейилади хабарда.

Аниқланишича, ўзбекистонлик М.А ва Ё.О Индонезиянинг Бадунг округида ҳибсга олинган.

Қайд этилишича, қўлга олинганлардан гиёҳванд моддалардан ташқари 3 та пневматик тўппонча ҳам топилган.