Флорида штати губернатори Рон ДеСантис АҚШ президентлигига номзодини қўйди
АҚШнинг Флорида штати губернатори Рон ДеСантис АҚШ Федерал сайлов комиссиясига 2024 йилги президентлик сайловлари учун номзодлик аризасини топширди. Associated Press нашри шу ҳақда хабар берган.
Associated Press га кўра, губернатор ўзининг президентлик пойгасига қўшилиши ҳақида бизнесмен Илон Маск билан Twitter Spaces платформасида жонли эфир чоғида расман эълон қилади.
Бу йил 44 ёшга тўладиган Рон ДеСантиснинг АҚШ Республикачилар партиясидаги обрўси кун сайин ошиб бормоқда. У 2015 йилдан 2018 йилгача АҚШ Вакиллар палатасининг аъзоси, кейинроқ Флорида губернатори бўлган. ДеСантис 2022 йилда губернатор сифатида бир қатор қонунларни, жумладан, абортларни чеклаш, қурол олиб юришни осонлаштириш ва трансгендерлик операцияларини тақиқловчи қонунларни имзолаган. Сайловда у 20% кўп овоз билан иккинчи муддатга қайта сайланди.
Президентлик сайловларида Республикачилар партиясидан кўрсатиладиган номзодлик учун курашда ДеСантисга АҚШнинг собиқ президенти Доналд Трамп рақиблик қилади
