Дунёнинг энг бадавлат одами бир кунда 11 млрд доллар йўқотди
LVMH гуруҳи эгаси Бернард Арнонинг бойлиги компания акцияларининг тушиб кетиши фонида бир кунда 11,2 миллиард долларга камайди.
Жаҳон
24 май 2023 йил
Bloomberg агентлиги хабар беришича, 23 май куни Парижнинг Euronext биржасидаги савдолар чоғида LVMH акциялари 5 фоизга арзонлашган.
Натижада Арно акцияларнинг пасайиши сабабли 11,2 млрд доллар пул йўқотди. Шунга қарамай, у 191,6 млрд билан дунёнинг энг бадавлат киши бўлиб турибди. Ундан кейинги ўринни эса бизнесмен Илон Маск забт этган.
Маълум бўлишича, Арнонинг йил давомида бойлиги 53 млрд долларга кўпайган. Апрель ойида LVMH капиталлашуви 500 миллиард доллардан ортиқ бўлган Европадаги биринчи компанияга айланди.
