Forbes: Трамп президент бўлгандан сўнг 1,4 млрд долларга бойиди
АҚШ раҳбарининг бойлиги ҳозирда жами 6,5 млрд долларни ташкил этади. У криптовалюта операциялари орқали муваффақиятга эришган.
Трамп иккинчи муддатга киришгандан буён 1,4 млрд долларга бойиди.
Forbes маълумотларига кўра, АҚШ президенти Доналд Трампнинг бойлиги ҳозирда 6,5 миллиард долларни ташкил этади. Нашр маълумотларига кўра, Америка етакчисининг бойлиги иккинчи муддати бошланганидан бери 1,4 миллиард долларга ошган.
Доналд Трамп ҳозирда Forbesʼнинг дунё миллиардерлари рўйхатида 645-ўринни эгаллаб турибди. 2025 йилда у 700-ўринни эгаллаган.
"Forbesʼнинг дунё миллиардерларининг сўнгги рўйхатига кўра, президентнинг бойлиги ҳозирда 6,5 миллиард долларни ташкил этади, бу бир йил аввалгига нисбатан 1,4 миллиард долларга кўп", деб ёзади нашр.
Америка етакчиси ўзининг муваффақиятига "катта криптовалюта битимлари" туфайли эришган. Ўтган йил давомида у World Liberty Financial томонидан чиқарилган криптовалюта токенларини сотишдан тахминан 550 миллион доллар даромад олган. Ушбу лойиҳа унинг оиласи томонидан 2024 йил сентябрь ойида бошланган.
Forbesʼнинг ҳисоб-китобларига кўра, у Aryam Invesment акцияларининг бир қисмини сотишдан яна 200 миллион доллар олган.
