Қамчиқ довонида DAF юк машинаси ёниб кетди
Маълум қилинишича, воқеа жойига 2 та ёнғин-қутқарув экипажи етиб борган ва ёнғин зудлик билан бартараф этилган.
Жамият
23 май 2023 йил
23 май куни соат 01:06 да Наманган вилояти Поп тумани "Садоқат" МФЙ ҳудудидан ўтган А-373 автомобиль йўлининг 277.5 километрида "Водий-Тошкент" йўналишида ҳаракатланиб кетаётган DAF русумли юк автомобилида ёнғин юзага келди. Бу ҳақда Фавқулодда вазиятлар вазирлиги хабар берди.
Маълум қилинишича, 2 та ёнғин-қутқарув экипажи соат 01:47 да ҳодиса жойига етиб бориб, ёнғин соат 01:50 да қуршаб олинган ва соат 02:00 да ўчирилган.
Ҳодиса оқибатида тан жароҳати олган ва ҳалок бўлганлар йўқ.
Ёнғин сабаби ва моддий зарар миқдори аниқланмоқда.
