Ёнғин ҳолати бўйича жиноят иши очилди
Ҳодиса шахобчадаги “МАН” русумли суюлтирилган газ ташувчи автомашинадан газни заҳира сиғимига бўшатиш жарёнида техника хавфсизлиги қоидаларининг бузилиши оқибатида юзага келганлиги тахмин қилинганди. Самарқанд вилояти ИИБ ушбу ҳолат бўйича жиноят иши қўзғатилганини маълум қилди.
Пахтачи туманида содир бўлган ёнғин ҳолати юзасидан вилоят ИИБ ҳузуридаги Тергов бошқармаси томонидан Ўзбекистон Республикаси Жиноят кодексининг 259-моддаси 1-қисми билан жиноят иши қўзғатилиб, судга оид тиббиёт, ёнғин-техника ва судга оид баҳолаш экспертизалари тайинланган.
Аввал хабар қилганимиздек, 9 май куни соат 21:25 да Самарқанд вилояти Пахтачи тумани “Янгиобод” МФЙда жойлашган аҳолига суюлтирилган газ қуйиш шахобчаси ҳудудида ёнғин портлаш содир бўлган ва ёнғин ўт ўчирувчилар томонидан икки ярим соат ичида бартараф этилган.
