АҚШ Сенатида Хитой рақобатига қарши туриш муҳокама қилинмоқда
АҚШ Сенати демократлари Хитойнинг рақобат кучининг олдини олишга қаратилган янги қонун лойиҳасини ишлаб чиқишга киришди.
Мазкур қонун лойиҳаси АҚШнинг технология, хавфсизлик ҳамда Тайван масалаларида Хитойга қарши тура олиш қобилиятини оширишга қаратилган.
Ўтган йили америкалик қонун ижодкорлари яримўтказгичлар ва бошқа технологиялар соҳасида Пекинга қарши рақобатбардошликни кучайтиришга қаратилган қонунни қабул қилишганди. Сенатдаги демократлар раҳбари Чак Шумер ҳамда демократларнинг қўмита раислари баёнот беришича, улар Хитойдан кириб келаётган технологиялар оқимини чеклаш, Хитойнинг Тайван билан уруш бошлашига йўл қўймаслик ҳамда америка капиталининг Хитой компаниялари қўлига ўтиб кетишининг олдини олиш мақсадида ишлаб чиқаётган ушбу қонун лойиҳаси яқин ойлар ичида қабул қилиниши мумкин.
Ўтган йили Пекин билан яримўтказгичлар ва бошқа технологиялар бўйича рақобатни кучайтириш бўйича кенг қамровли қонун лойиҳасини қабул қилгандан сўнг, Сенат Демократик партияси раҳбари Чак Шумер ва Демократик қўмита раҳбарлари келгуси бир неча ой ичида Хитойдан кириб келаётган технологиялар оқимини чеклашга қаратилган қонунлар ишлаб чиқишини маълум қилганди. Бу қонунлар энг аввало Хитойнинг Тайван билан можарога киришишининг олдини олиш ҳамда АҚШ капиталининг Хитой компанияларига ўтиб кетишига тўсқинлик қилишга қаратилган бўлади.
Шумернинг айтишича, "Хитой рақобати 2.0" деб номланган янги қонун лойиҳаси ўтган йилги "Чиплар ва технологиялар" актининг таъсирини кенгайтиришга хизмат қилади. У, шунингдек, Сенатдаги республикачилар лойиҳадаги айрим ғояларни қўллаб-қувватлаганини айтди. Бу яхши аломат ҳисобланади. Чунки мазкур қонун лойиҳаси қабул қилиниши учун республикачиларнинг ҳам қўллаб-қувватлаши керак бўлади, чунки республикачилар Вакиллар палатасини назорат қилади.
