Фарғонада содир бўлган ЙТҲда икки нафар йўловчи ҳалок бўлди

Интернет ижтимоий тармоқларида тарқалган Қўқон шаҳрида содир бўлган йўл-транспорт ҳодисаси оқибатида 5 киши вафот этганлиги ҳақидаги хабар тарқалди. Ҳолат бўйича Фарғона вилояти ИИБ маълумот берди.

Маълум қилинишича, воқеа 22 апрель куни соат 08:00 ларда берилган дастлабки хабарга кўра, ҳайдовчи 1998 йилда туғилган А.Т Gentra русумли автомашинани шаҳарнинг Туркистон-Пўстиндўз кўчалари кесишган чорраҳада бошқариб келаётган вақтда, 1972 йилда туғилган Б.Х бошқарувидаги Mercedes-Benz русумли автомашина 2-даражали йўлдан чиқиб келиши натижасида ЙТХ содир бўлган.

Натижада Mercedes-Benz автомашинасида бўлган 2 нафар йўловчилар оғир тан жароҳати олиб, вафот этган.

Ҳайдовчилар А.Т ва Б.Х.лар тан жароҳати олиб, шифохонага ётқизилган. Ҳолат юзасидан терговга қадар текширув ҳаракатлари олиб борилмоқда.