Туркияда ўлдирилган ўзбекистонлик марҳуманинг жасади юртимизга олиб келинди
Жорий йилнинг 24 март куни Ўзбекистон фуқароси - 40 ёшли Туляганова Умида Истанбул вилояти Бахчелиэвлер туманида биргаликда яшаб келган Туркия фуқароси - 61 ёшли Риза Белер томонидан яшаш хонадонида шавқатсизларча ўлдирилганлиги ҳақида Туркия ОАВда маълумот берилган эди.
Аниқланишича мархум У.Туляганова Р.Белер билан тахминан 3 йилдан буён бирга яшаб келган бўлиб, ўрталарида узоқ вақтдан бери давом этиб келган келишмовчилик туфайли Р.Белер уни қасддан ўлдиришни олдиндан режалаштирган.
Ҳолат юзасидан қўзғатилган жиноят иши бўйича ҳибсга олинган Р.Белер ўз айбига иқрор бўлган.
29 март куни мархумнинг жасадини Ўзбекистонга юбориш ва яқинларига топширишда Бош консулхона томонидан яқиндан амалий ёрдам кўрсатилди.
Бош консулхона Р.Белерга нисбатан жазо муқаррарлиги таъминланишини алоҳида кузатиб бормоқда.
