Тошкентда “Malibu” дарахтга осилиб қолди
Тошкент шаҳрининг Яккасарой тумани Шота Руставели кўчасида ЙТҲ содир бўлди.
Маълум қилинишича, 2023 йил 26 март куни соат тахминан 21:00 ларда Шота Руставели кўчаси Жиноят ишлари бўйича Яккасарой туман суди қаршисида 2002 йилда туғилган А.Ш бошқарувидаги 01 М 888 JB давлат рақами белгили “Malibu-2” русумли автомашинасини бошқариб келаётиб, рул бошқарувини йўқотган, йўл четидаги тўсиққа урилиши натижасида, йўл транспорт ҳодисаси содир бўлган.
“Malibu-2” русумли автомашина йўловчиси 2006 йилда туғилган A.A.га шифокорлар томонидан биринчи ёрдам кўрсатилган.
Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.