“Қорақалпоғистонда поезд темирйўл рельсида одамни босиб кетди”
Транспорт прокуратураси ижтимоий тармоқларда тарқалган воқеани тасдиқлади. Маълум қилинишича, олган тан жароҳатлари натижасида фуқаро воқеа жойида вафот этган.
Жамият
27 март 2023 йил
Аниқланишича, жорий йилнинг 24 март куни соат 16:00 ларда 053-сонли “Қўнғирот-Тошкент” йўналишидаги йўловчи поезди “Элликқала-Тўрткўл” бекатлари оралиғи 552-км. 5-тўсиғида ҳаракатланиб ўтаётган вақтида 1979 йил туғилган фуқаро Х.Ш.нинг эҳтиётсизлиги натижасида поезд йўлига чиқиб қолган ва натижада поезд босиб кетканлиги аниқланган.
Олган тан жароҳатлари натижасида фуқаро Х.Ш. воқеа жойида вафот этган.
Ҳозирги вақтда мазкур ҳолат юзасидан Оролбўйи транспорт прокуратураси томонидан терговга қадар текширув ҳаракатларини олиб борилмоқда.
