Тошкент метросининг 7-бекати саккиз кунга ёпилади
Маълум қилинишича, йўловчилар учун эса 6 ва 7-бекат оралиғида қўшимча автобус ҳаракати йўлга қўйилади.
Жамият
9 март 2023 йил
Тошкент метрополитенининг «Ер усти ҳалқа йўли» йўналиши 6 ва 7-бекатлари оралиғидаги ер устки қисмида Фарғона йўли кўчасидан «Қўйлиқ» деҳқон бозори томон қурилаётган автомобил йўл ўтказгичининг қурилиш ишлари якунланаётгани муносабат билан метрополитеннинг 7-бекати (Қўйлиқ) 11–18 март кунлари вақтинча хизмат кўрсатмайди. Бу ҳақда «Тошкент метрополитени» ДУК хабар берди.
«Ер усти ҳалқа йўли» йўналишида поездлар ҳаракати «Дўстлик-2» бекати билан 6-бекат оралиғида ташкил этилади. Йўловчилар учун эса 6 ва 7-бекат оралиғида қўшимча автобус ҳаракати йўлга қўйилади.
