29 декабрь, 2022

Президент "районо" ва "облоно"ни эски тизим сарқити деб атади

Президент Шавкат Мирзиёев туман ва вилоят халқ таълими бўлимларини танқид қилди. Бу ҳақда ЎзА хабар бермоқда. "Биз ҳаммани математик қилишни истаймиз, аммо бунинг иложи йўқ. Нари борса 10 фоиз бола математик бўлишни истар. Биз боланинг истагидан келиб чиқиб, унинг талабига кўра таълим беришни ўрганишимиз керак. Бола ўзига нима қизиқ эканини яхши билади, унга ҳамма фанни бирдек ўргатишни тўхтатиб, қизиқиш соҳасига урғу қаратиш лозим. "Районо" ва "облоно" сиз учун прокурор. Бу икки ташкилотни йўқ қилишни истаяпман, мактабларнинг ўзи «районо» ва «облоно» бўлишларинг керак. Ўртадаги бошқа поғоналар нимага керак? Улар бўлгани учун ўқитувчи қадам қўя олмайди. Буни синдирадиган вақт келди. Тартиб керак албатта, аммо бунинг учун вазирлик бор. Бизда ҳамон эски тизим сақланиб қолмоқда. Мактаб аслида "гороно"га хўжайинлик қилиши керак. Биз эски тизимга мойиллик қиламиз, "Районо" нима деса шуни қиламиз. Замон ўзгармоқда, кечирасизу, қишлоқ хўжалигида пахтага тизим ўзгартирдик. Энди пахта ҳам, тизим ҳам ишламоқда. Қачон қишлоқ хўжалигида икки миллард долларлик экспорт бўлар эди? Энди мана текстил ишламоқда, бошқа ишлаб чиқариш бор», — деди Президент.

президент

Президент "районо" ва "облоно"ни эски тизим сарқити деб атади

Тавсия этамиз

Маҳаллаларнинг “яшил рейтинги” жорий этилади

Транзит йўналишдаги темир йўл участкаларига 200 млн доллар йўналтирилади

Президент келаси йил Қорақалпоғистонга 5 миллиард доллар инвестиция жалб қилиш вазифасини қўйди

Президент реконструкция қилинган “Турон” стадиони билан танишди