Ўткир Ҳамроев Қоровулбозор тумани ҳокими этиб тайинланди
У 2021 йилдан бери Бухоро вилоят ҳокимлиги бошқарув аппарати ахборот -таҳлил гуруҳи раҳбари лавозимида ишлаб келаётган эди.
Ўткир Ҳамроев Қоровулбозор тумани ҳокими этиб тасдиқланди.
Халқ депутатлари Қоровулбозор тумани Кенгашининг навбатдан ташқари сессияси бўлиб ўтди.
Сессияда ташкилий масала кўрилди.
Остонов Акмал Анварович Вобкент туманига ишга ўтганлиги муносабати билан Қоровулбозор тумани ҳокими лавозимидан озод қилинди.
Ҳамроев Ўткир Шомаҳмадовични Қоровулбозор тумани ҳокими этиб тайинлаш тўғрисидаги вилоят ҳокимининг қарори ўқиб эшиттирилди.
Ўткир Шомаҳмадович Ҳамроев 1976 йилда Пешку туманида туғилган. 2000 -йилда Бухоро давлат университетини, 2011 йилда Ўзбекистон Республикаси Президенти ҳузуридаги Давлат ва жамият қурилиши академиясини битирган.
Мутахассислиги - иқтисодиёт ва давлат бошқаруви.
Меҳнат фаолиятини ҳисобчиликдан бошлаб, Пешку тумани ҳокимининг иқтисодиёт ва ижтимоий ривожлантириш масалалари бўйича ўринбосари, вилоят иқтисодиёт бош бошқармаси бошлиғи, вилоят рақобат бошқармаси ва давлат активларини бошқариш агентлигининг вилоят ҳудудий бошқармаси бошлиғи лавозимларида меҳнат қилган.
У 2021 йилдан бери вилоят ҳокимлиги бошқарув аппарати ахборот -таҳлил гуруҳи раҳбари лавозимида ишлаб келаётган эди.
Эслатиб ўтамиз, бугун Бухорода Вобкент, Пешку туманлари ва Когон шаҳарларида ҳам ҳоким алмашди.
