ОАВ: Тимур Кападзе Индонезия терма жамоасига бош мураббий бўлиш арафасида турибди
Кападзе бир неча кун аввал Ўзбекистон терма жамоасидан кетганди. У фаолиятини бош мураббий сифатида давом эттиришини айтган.
Ўзбекистон терма жамоаси собиқ бош мураббийи Тимур Кападзе Индонезия термасини бошқаради. Турли ОАВлар томонлар келишувга яқин тургани ҳақида ёзмоқда.
Патрик Клюйверт расман ишдан кетгандан кейин Индонезия терма жамоаси мураббийлик лавозими яна бир бор диққат марказига айланди. Бу ҳолат дарҳол бир нечта глобал мураббийларнинг, жумладан, Ўзбекистон терма жамоасининг собиқ мураббийи Тимур Кападзенинг эътиборини тортди, у агар Индонезия Футбол Ассоциациясидан расмий таклиф олса, Индонезия терма жамоасини бошқаришга тайёрлигини билдирган.
Марказий Осиёнинг бир нечта спорт оммавий ахборот воситаларида тарқатилган интервьюсида Кападзе Индонезиядаги футбол муҳитини мақтаган.
"Мен Индонезияни яхши кўраман, мухлисларни яхши кўраман, қўллаб-қувватлаганингиз учун ташаккур", деган Кападзе.
Кападзенинг баёноти Индонезияда шов-шувга сабаб бўлди. Ўзбекистонлик мураббий Индонезия терма жамоасини бошқаришда потенциал номзод сифатида турибди, дейилади маҳаллий ОАВларда.
Эслатиб ўтамиз, бир неча кун аввал Тимур Кападзе Ўзбекистон терма жамоасидан кетди.
У фаолиятини бош мураббий сифатида давом эттириш ниятида эканини билдирган.