Янгиариқ туманига ҳоким тайинланди
Зафарбек Матназаров бунгача Қўшкўпир тумани ҳокимининг биринчи ўринбосари лавозимида ишлаган.
Матназаров Зафарбек Баҳадирович - халқ депутатлари Янгиариқ тумани Кенгашининг навбатдан ташқари сессиясида Янгиариқ тумани ҳокими лавозимига тасдиқланди. Бу ҳақда Хоразм вилояти ҳокимлиги хабар берди.
Зафарбек Матназаров 1986 йилда туғилган, маълумоти олий, Тошкент молия институтини тамомлаган.
У Тайинловга қадар Қўшкўпир тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари - туман иқтисодий тараққиёт ва камбағалликни қисқартириш бўлими бошлиғи лавозимида ишлаган.
Номзод Президент ҳузуридаги Давлат хизматини ривожлантириш агентлигининг Миллий кадрлар заҳирасидан тавсия этилган.
Эслатиб ўтамиз, аввалроқ Ғозғон, Фурқат, Мингбулоқ, Тахиатош, Тошкент ва Қораўзак туманларида ҳокимлар алмашганди.