Кўкдаладаги портлаш юзасидан жиноий иш очилди
Ушбу ҳодиса оқибатида 4 киши ҳалок бўлганди. Тергов ҳаракатлари давом этмоқда.
Кўкдаладаги заправкада 4 киши ҳалок бўлгани ортидан жиноий иш очилди.
Кўкдала туманида содир бўлган ҳолат юзасидан Жиноят кодексининг 205 (Ҳокимият ёки мансаб ваколатини суиистеъмол қилиш) ва 259 (Ёнғин хавфсизлиги қоидаларини бузиш) моддалари билан жиноят иши қўзғатилди.
Тегишли соҳа мутахассислари иштирокида ёнғин кўлами ва етказилган зарарларнинг миқдорини аниқлаш ишлари олиб борилмоқда.
Жиноят иши доирасида суд-тиббий, ёнғин келиб чиқишини аниқлаш бўйича суд-кимёвий, биология, криминалистика ва ёнғин техникавий экспертизалари тайинланди, дейилади Бош прокуратура хабарида.
Тергов ҳаракатлари давом этмоқда.
Эслатиб ўтамиз, 16 июл куни Кўкдала туманидаги заправкада портлаш содир бўлди. Оқибатда 4 киши ҳалок бўлди.