“Ғишткўприк” чегара пости қачон очилиши маълум бўлди
Чегара божхона пости 2025 йил 5 февралдан бошлаб 4 ойга ёпилганди. Бироқ очилиш санаси бир неча бор кейинга қолдирилган.

Қозоғистоннинг Ўзбекистондаги элчиси Ерали Туғжанов “Ғишткўприк” (Жибек жоли) ўтказиш пункти 2026 йил 25 ноябрдан ишга туширилишини маълум қилди.
Бу ҳақда “Дарё” нашри элчихонадаги манбаси хабар берди.
Тошкент вилоятининг Тошкент туманида жойлашган “Ғишткўприк” чегара божхона пости 2025 йил 5 февралдан бошлаб 4 ойга ёпилганди. Бироқ очилиш санаси бир неча бор кейинга қолдирилган. Аслида пост таъмири 2022 йилдан бери давом этмоқда.
Ўзбекистон ва Қозоғистон ўртасидаги товар айирбошлаш ҳажми йилдан-йилга ошиб бормоқда. Хусусан, 2025 йилда бу кўрсаткич қарийб 5 миллиард долларни ташкил этган бўлса, жорий йилнинг дастлабки икки ойида 900 миллион долларга етиб, 41 фоизлик ўсиш қайд этилган.





