Божхона декларациясини тўлдириш қоидаларига ўзгартиришлар киритилди
Нотижорат мақсадда олиб кираётган шахс темир йўл, дарё ва автомобиль пунктлари орқали 2 кундан кам, аэропорт орқали 3 кундан кам бўлса ёки бир ой ичида хорижда 3 ва ундан ортиқ марта бўлса, божсиз олиб кириш нормалари қўлланилмайди.

Йўловчи божхона декларациясини тўлдириш ва расмийлаштириш бўйича йўриқномага қўшимча ва ўзгартиришлар киритилди.
Нималар ўзгарди?
Электрон декларация хавф даражаси паст деб баҳоланса, божхона ходимисиз автоматик расмийлаштирилади.
Божсиз олиб кириш:
• халқаро аэропортлар орқали – 1000 $
• темир йўл ва дарё орқали – 500 $
• автомобиль (пиёда) пункти орқали – 300 $
• алкоголь – 2 литр
• сигарета – 200 дона, сигара – 5 дона, тамаки – 100 гр
• атир – 3 дона (ҳар бири 300 мл дан ошмаган)
• БФҚ – 10 хил номда (жами 3 кг гача)
Нотижорат мақсадда олиб кираётган шахс темир йўл, дарё ва автомобиль пунктлари орқали 2 кундан кам, аэропорт орқали 3 кундан кам бўлса ёки бир ой ичида хорижда 3 ва ундан ортиқ марта бўлса, божсиз олиб кириш нормалари қўлланилмайди.
Декларациясиз олиб чиқиш:
• пул – 5000 $ гача
• гуруч – 3 кг, нон-булка – 5 кг
• гўшт маҳсулотлари – 2 кг, шакар – 2 кг, ўсимлик мойи – 2 кг
• мева-сабзавот – 40 кг гача
• заргарлик буюмлари – 65 гр олтин ва 200 гр кумуш.
Нақд миллий ва хорижий валютада 100 млн сўм эквивалентидан ортиқ маблағни олиб чиқиш мумкин эмас.





