МБФИТИ кореялик олимларга "Фахрий профессор" унвонини берди
Мазкур унвон олимларнинг илмий фаолияти, фармацевтика фанлари ривожига қўшган ҳиссаси ва халқаро илмий алоқаларни мустаҳкамлашдаги иштироки учун тақдим этилди.

Миллий биофармацевтика илмий-тадқиқот институтида кореялик олимлар билан учрашув бўлиб ўтди. Унда профессорларнинг фармацевтика илм-фанидаги ютуқлари ҳамда халқаро академик ҳамкорликка қўшган ҳиссаси эътироф этилди.

Қуйидаги олимларга институтнинг "Фахрий профессор" унвони берилди:
Gyoonhee Han
Hunjoo Ha
Jaesung No
Мазкур унвон олимларнинг илмий фаолияти, фармацевтика фанлари ривожига қўшган ҳиссаси ва халқаро илмий алоқаларни мустаҳкамлашдаги иштироки учун тақдим этилди.
Учрашув доирасида институтда амалга оширилаётган илмий лойиҳалар юзасидан музокаралар олиб борилди. Томонлар мавжуд тадқиқотларни ривожлантириш, тажриба алмашиш ҳамда лойиҳалар доирасида ўзаро ҳамкорлик имкониятларини муҳокама қилди.
.jpg)
Мулоқотда институтнинг илмий салоҳияти ва профессорларнинг тажрибасини уйғунлаштириш орқали ҳамкорликни кенгайтириш истиқболлари юзасидан фикр алмашилди. Бундай учрашувлар халқаро илмий алоқаларни мустаҳкамлаш ва қўшма изланишлар учун янги имкониятларни очишга хизмат қилади.





