Ўзбекистон аҳолисининг 12 фоизи олий маълумотли — Статқўм
Ҳозирда олий таълим ташкилотларида 1 725,9 минг киши таҳсил олмоқда. Уларнинг 49,0 фоизини аёллар ташкил этади.
Рўйхатга олиш натижаларига кўра, таълим ташкилотларида 7 ёш ва ундан катта 9 615,9 минг киши таълим олмоқда. Бу ҳақда айни пайтда Миллий статистика қўмитасида бўлиб ўтаётган матбуот анжуманида маълум қилинди.
Шундан:
— эркаклар — 4 950,7 минг нафар ёки 51,5 фоиз;
— аёллар — 4 665,2 минг нафар ёки 48,5 фоиз.
Олий таълим ташкилотларида 1 725,9 минг киши таҳсил олмоқда. Уларнинг 49,0 фоизини аёллар ташкил этади.
Рўйхатга олиш натижаларига кўра, 15 ёш ва ундан катта аҳолининг таълим даражаси бўйича тақсимоти қуйидагича:
— олий ва олий таълимдан кейинги маълумотга эга бўлганлар — 3 271,1 минг киши ёки 12,0 фоиз;
— ўрта махсус ва профессионал маълумотга эга бўлганлар — 9 737,2 минг киши ёки 35,8 фоиз;
— умумий ўрта маълумотга эга бўлганлар — 11 626,5 минг киши ёки 42,8 фоиз.
Ҳар 1 000 нафар 15 ёш ва ундан катта аҳолига 120 нафар олий ва олий таълимдан кейинги, 358 нафар ўрта махсус ва профессионал ҳамда 428 нафар умумий ўрта маълумотли шахс тўғри келади.
