Перуда сайлов ғолиби танга ташлаш орқали аниқланди
Мағлуб бўлган номзод ғолибни аниқлашнинг бу усулидан норози бўлган.
Перунинг Пуно минтақасидаги Конима округида мэр сайлови ғолиби танга ташлаш орқали аниқланди, деб хабар беради La República нашри.
4 октябрь куни бўлиб ўтган сайловларда Somos Peru партиясидан Рубен Киспе Капахань ва País para Todos вакили Саломино Мамани Киспе ўзаро тўқнаш келди. Уларнинг ҳар бири 671 тадан овоз олди. Барча бюллетенларни қайта ишлагандан сўнг, сайлов комиссияси оммавий қуръа ташлаш ўтказди.
Жараён рақамланган чипталар ёрдамида аниқланди. Натижада Рубен Капахань ғолиб деб эълон қилинди.
Иккала номзоднинг вакиллари ҳам бюллетенларга имзо чекишди. Жараён сайлов комиссияси аъзолари, полиция ва нотариус томонидан кузатилди.
Мағлуб бўлган Киспе ғолибни аниқлашнинг бу усулидан норози бўлган. Andina ахборот агентлигининг хабар беришича, у дуранг натижа қайд этилган тақдирда иккинчи босқичга рухсат бериш учун қонунни ўзгартиришни таклиф қилган.
