Парагвай президенти лавозимидан четлатилди ва уй қамоғига олинди
Унинг лавозимдан четлатилишига мамлакатдаги йирик рақамли банк — Ueno Bank фаолиятининг инқирозга учраши ва президентнинг ушбу банк билан аввалги бизнес алоқалари сабаб бўлган.
Парагвай президенти импичмент орқали лавозимидан четлатилди ва уй қамоғига олинди.
Парагвай Сенати президент Сантьяго Пеняга нисбатан импичмент жараёнини якунлаб, уни лавозимидан четлатиш учун бир овоздан қарор қабул қилди. Тегишли қарор учун 44 сенатор овоз берди, биттаси йўқ эди.
Қизиғи, Пеня бундан бир кун аввал истеъфога чиқиш ҳақида ариза берган, аммо парламент уни қабул қилмаган эди.
Унинг лавозимдан четлатилишига мамлакатдаги йирик рақамли банк — Ueno Bank фаолиятининг инқирозга учраши ва президентнинг ушбу банк билан аввалги бизнес алоқалари сабаб бўлган. Мухолифат уни манфаатлар тўқнашуви ва молиявий тизимдаги муаммоларга алоқадорликда айбламоқда. Пеня эса айбловларни рад этган.
Собиқ президент лавозимидан четлатилганидан кейин уй қамоғига олинди. Вице-президент Педро Альяна эса янги президент сифатида қасамёд қилди.
