Туркияда қуролли шахс одамларга қарата ўт очди, саккиз киши қурбон бўлди
Учта турли машинада бўлган қурбонлар ўртасида ҳеч қандай боғлиқлик йўқ эди. Улардан иккитаси бир мактабда ишлайдиган ўқитувчилар бўлган.
Туркияда қуролли жиноятчи одамларга қарата ўт очди, натижада саккиз киши ҳалок бўлди ва яна бир киши яраланди, деб хабар берди IHA ахборот агентлиги.
Ҳодиса Туркиянинг Афёнқораҳисор вилоятининг Иҳсание туманида содир бўлди.
"Ҳужумчи йўлда ҳаракатланаётган машиналарни тасодифий тўхтатиб, йўловчиларга қарата ўт очди. Хавфсизлик кучлари ҳодисадан кейин қочиб кетган гумондорни аниқлаш ва қўлга олиш учун кенг кўламли қидирув ишларини олиб борилди", дейилади хабарда.
Нашрнинг хабар беришича, учта турли машинада бўлган қурбонлар ўртасида ҳеч қандай боғлиқлик йўқ эди.
Улардан иккитаси бир мактабда ишлайдиган ўқитувчилар эди. Минтақада максимал хавфсизлик чоралари кўрилди.
Полиция ва жандармериянинг қўшма операцияси натижасида эркак ушланган. Тиббий кўрикдан сўнг у ҳуқуқ-тартибот идораларига топширилган. Терговга бош прокурор ўринбосари ва уч прокурор жалб этилган.
