Одам ўлдиришга даъват қилган блогер қўлга олинди
Жараёнда видео муаллифининг шахси аниқланиб, унга қонунчиликда белгиланган талаблар ва жавобгарлик чоралари тушунтирилди.
Ижтимоий тармоқларда тарқалган, нафрат ва қонунга зид чақириқларни акс эттирувчи видеолавҳа жамоатчилик орасида кенг муҳокамаларга сабаб бўлди.
Ушбу чиқишда бошқа блогер ва хонанда Мубина Аббосхоновага нисбатан зўравонликка чақириқлар акс этган.
Мазкур ҳолат юзасидан Тошкент шаҳар ИИББ томонидан ўрганиш ишлари олиб борилди. Жараёнда видео муаллифининг шахси аниқланиб, унга қонунчиликда белгиланган талаблар ва жавобгарлик чоралари тушунтирилди.
Ҳозирда ҳолат юзасидан Олмазор тумани ИИБ томонидан терговга қадар суриштирув ишлари олиб борилмоқда. Якуни бўйича қонуний қарор қабул қилиниши таъминланади.
Унутмаслик керак: ижтимоий тармоқдаги ҳар бир пост, видео ва чақириқ муаллифнинг шахсий масъулиятини англатади. Қонунга зид контентни яратиш ва тарқатиш белгиланган тартибда жавобгарликка сабаб бўлади.
