Журналистика бўйича Экологик кенгашнинг маҳорат мактаби ташкил этилди
Ҳудудий журналистларни ҳам жалб этиш орқали жамоани кенгайтириш, ҳар ой амалга оширилган ишлар юзасидан мулоқот қилиш ва тажриба алмашиб боришга келишиб олинди.
Бугун Ўзбекистон Журналистлар уюшмаси Экологик кенгашининг маҳорат мактаби очилиши бўлиб ўтди.
Унда Ўзбекистон Журналистлар уюшмаси раисининг биринчи ўринбосари Шаҳрибону Имомова, Уюшманинг Экологик кенгаши раҳбари Наргис Қосимова, Хавфли чиқиндиларни бошқариш дирекцияси ходимлари, шунингдек, журналистлар, блогерлар, волонтёрлар, талаба-ёшлар, турли оммавий ахборот воситалари ва нашрлар вакиллари иштирок этди.
Учрашув давомида экологик мавзуларни интернет нашрлари, газета ва журналлар, радио ҳамда телевидение орқали кенг ёритиш, соҳа олимлари ва мутахассислари билан ҳамкорликда тадбирлар ҳамда пресс-турлар ташкил этиш юзасидан фикр ва таклифлар билдирилди.
Муҳокамалар якунида иштирокчиларнинг ўзаро алоқаларини мустаҳкамлаш мақсадида алоқа маълумотлари алмашилди ва махсус Telegram гуруҳи ташкил этилди. Шунингдек, ҳудудий журналистларни ҳам жалб этиш орқали жамоани кенгайтириш, ҳар ой амалга оширилган ишлар юзасидан мулоқот қилиш ва тажриба алмашиб боришга келишиб олинди.
