Газлашмаган ҳудудларда электр бўйича базавий меъёр оширилади
15 ноябрдан аҳоли учун суюлтирилган газнинг чакана сотиш нархи 1 килограмм учун 5 000 сўм (ҚҚС билан) этиб белгиланди. Харажатлар билан бу нарх ўртасидаги фарқ давлат бюджетидан субсидия сифатида қопланади.
Газлашмаган ҳудудларда электр энергиясининг ойлик базавий меъёри оширилади.
Ҳукуматнинг "Ёқилғи-энергетика соҳасида бозор тамойилларига ўтишда аҳолини ижтимоий қўллаб-қувватлаш чора-тадбирларини амалга ошириш механизмлари тўғрисида"ги қарори;
"Аҳолини суюлтирилган газ билан узлуксиз таъминлашнинг бозор механизмларини босқичма-босқич жорий этиш чора-тадбирлари тўғрисида"ги қарори қабул қилинди.
Уларга кўра, аҳолини энергия билан таъминлаш ва ижтимоий қўллаб-қувватлаш бўйича қуйидаги ўзгаришлар жорий этилмоқда:
- 1 ноябрдан табиий газ мавжуд бўлмаган ёки етказиб бериш қийин ҳудудларда иситиш мавсумида электр энергиясининг ойлик базавий меъёри 200 кВт·соатдан 350 кВт·соатга оширилди;
- 15 ноябрдан аҳоли учун суюлтирилган газнинг чакана сотиш нархи 1 килограмм учун 5 000 сўм (ҚҚС билан) этиб белгиланди. Харажатлар билан бу нарх ўртасидаги фарқ давлат бюджетидан субсидия сифатида қопланади;
- Эҳтиёжманд оилаларга харид қилинган суюлтирилган газнинг ҳар килограмми учун 3 000 сўмдан, ойига 20 килограммгача компенсация тўланади. Яъни, бир ойда 60 минг сўмгача ёрдам берилади;
- Маблағ ижтимоий картага ўтказилади. Компенсация 2030 йилгача тўлаб борилади.
