Криштиану Роналду дисквалификация қилинди ва жаримага тортилди
Роналду Португалия терма жамоасининг иккита ўйинини (Дания ва Норвегияга қарши) ўтказиб юборди, аммо 14 ноябрда бўлиб ўтадиган кейинги ўйинда ўйнаши мумкин.
Португалия терма жамоаси сардори Криштиану Роналду мураббий Хорхе Жесус билан келишмовчилик туфайли терма жамоанинг машғулот йиғинини тарк этгани учун 30 кунга дисквалификация қилинди.
Шунингдек, у 255 евро жаримага тортилди, деб хабар беради EFE.
Агентликнинг таъкидлашича, бу федерация қоидаларида белгиланган минимал жазо. Бундан ташқари, Роналду дисквалификациясининг 30 кунидан 19 кунини ўтаб бўлган: Федерация уни 30 сентябрда, терма жамоани тарк этган куни бошланган вақтинчалик дисквалификация учун ҳисоблаган.
Роналду Португалия терма жамоасининг иккита ўйинини (Дания ва Норвегияга қарши) ўтказиб юборди, аммо 14 ноябрда бўлиб ўтадиган кейинги ўйинда ўйнаши мумкин.
Криштиану Роналду мураббий Хорхе Жесус билан келишмовчилик туфайли Португалия терма жамоаси лагерини тарк этди. 27 сентябрь куни Норвегияга қарши ўйиндан олдин Жесус Роналдуни ярим соат давомида шуғуллантирди, аммо охир-оқибат уни майдонга туширмади.
Роналдунинг сўзларига кўра, унинг кетишининг яна бир сабаби Жесус шахсий суҳбатда қарори хато эканлигини тан олгани, аммо буни омма олдида тан олишдан бош тортгани бўлган.
