Самарқанд шаҳрига кириш ва ҳаракатланиш вақтинча чекланади
19 октябр куни шаҳарга АҚШ давлат котиби Марко Рубио бошчилигида делегация келади. “C5+1” форматидаги Марказий Осиё ташқи ишлар вазирлари учрашуви ўтказилади.
Самарқанд шаҳрида 19–22 октябрь кунлари ўтказиладиган нуфузли халқаро тадбирлар муносабати билан 18 октябрдан 22 октябрга қадар шаҳарга кириш йўллари ҳамда айрим кўчаларда транспорт воситаларининг ҳаракати вақти-вақти билан чекланади. Бу ҳақда вилоят ИИБ хабар берди.
Хусусан, Самарқанд шаҳрининг қуйидаги кўчаларида ҳаракат чекланиши белгиланган (расм).
Ушбу даврда йўл ҳаракати иштирокчиларига айланма йўллар орқали ҳаракатланиш ташкил этилади.
Истисно тариқасида, фақат тезкор хизматларнинг махсус автотранспорт воситалари ҳаракатланишига рухсат берилади. Шунингдек, вилоят ҳудудидан транзит ўтувчи транспорт воситалари учун ҳам алоҳида айланма йўналишлар ажратилган.
19 октябр куни шаҳарга АҚШ давлат котиби Марко Рубио бошчилигида делегация келади.
