Саида Мирзиёева “Байкар” компанияси мажмуасида бўлди
Президент Администрацияси раҳбари юқори технологиялар, хусусан, мудофаа саноати соҳасидаги илғор лойиҳалари билан танишди.
Президент Администрацияси раҳбари Саида Мирзиёева Туркиянинг “Байкар” компанияси мажмуасида бўлди ва технологиялар, хусусан, мудофаа саноати соҳасидаги илғор лойиҳалари билан танишди.
“Бундай ютуқлар замирида кўп йиллик илмий изланишлар, иқтидорли муҳандисларнинг меҳнати ҳамда миллий технологияларни ривожлантиришга киритилган инвестициялар турибди. Туркиянинг бу борадаги тажрибаси Ўзбекистон учун ҳам муҳим амалий аҳамиятга эга.
Мутахассисларимиз ўртасида тажриба алмашиш ҳамда технологик лойиҳаларни биргаликда амалга ошириш учун имкониятлар борлигини кўрмоқдаман”, — деб ёзди Президент администрацияси раҳбари.
