Ўзбекистонлик талабалар Gemini AI Plus обунасидан бепул фойдаланиши мумкин бўлади
Рақамли технологиялар вазирлиги ҳамда Google ҳамкорлигида Google’нинг Халқаро верификация бўйича ҳамкор платформаси — SheerID Ўзбекистонни расман қўллаб-қувватланадиган давлатлар рўйхатига киритди.
Энди ўзбекистонлик талабалар Google Gemini AI Plus обунасидан Aileaders.uz платформаси орқали бепул фойдаланишлари мумкин.
Рақамли технологиялар вазирлиги ҳамда Google ҳамкорлигида Google’нинг Халқаро верификация бўйича ҳамкор платформаси — SheerID Ўзбекистонни расман қўллаб-қувватланадиган давлатлар рўйхатига киритди.
Бу орқали талабалар Google верификациясидан муваффақиятли ўтиб, 60 долларга тенг 1 йиллик Google Gemini AI Plus хизматидан мутлақо бепул фойдаланиш имкониятига эга бўлдилар.
Google AI Plus обунаси талабаларга қандай имкониятларни тақдим этади:
Gemini иловаси: Фойдаланиш лимитлари икки баробарга ошади ва илғор Flash Thinking моделига кириш имконияти берилади.
400 GB булутли хотира: Google Фото, Диск ва Gmail хизматлари учун умумий катта ҳажмдаги хотира ажратилади.
Google Flow: Илғор генератив моделлар ёрдамида кинематографик саҳналар ва ҳикоялар яратиш учун AI-студияга қўшимча кириш тақдим этилади.
Gmail’да Gemini: Почта хизматининг ўзида Gemini’дан бевосита фойдаланиш имконияти яратилади.
Gemini Notebook: Тадқиқот ёрдамчиси функцияларига, жумладан, аудио ва видео материалларни қайта сўзлаб бериш, тестлар ишлаш ва бошқа имкониятларга қўшимча кириш берилади.
Сунъий интеллектга асосланган мусиқий студияга қўшимча кириш имконияти очилади.
