Эркинжон Турдимов Таълим ва илм-фан вазири этиб тасдиқланди
Турдимов 2025 йил январида Сирдарё вилояти ҳокими вазифасини бажарувчи этиб тайинланган, кейинчалик вилоят ҳокими лавозимида фаолият юритган.
Эркинжон Турдимов Бош вазирнинг биринчи ўринбосари — таълим ва илм-фан вазири этиб тасдиқланди. Унинг номзоди Олий Мажлис Қонунчилик палатасидаги йиғилишда бош вазирнинг биринчи ўринбосари — таълим ва илм-фан вазири этиб тасдиқланди. Шу муносабат билан у Сирдарё вилояти ҳокими лавозимидан озод қилинди.
Эркинжон Оқбутаевич Турдимов 1969 йил 10 июлда Самарқанд вилоятининг Қўшработ туманида туғилган.
Маълумоти бўйича иқтисодчи. Турли йилларда Навоий, Сурхондарё ва Самарқанд вилоятлари ҳокими лавозимларида ишлаган.
2025 йил январида Сирдарё вилояти ҳокими вазифасини бажарувчи этиб тайинланган, кейинчалик вилоят ҳокими лавозимида фаолият юритган.
Турдимов "Меҳнат шуҳрати" ва "Фидокорона хизматлари учун" орденлари билан тақдирланган.
