Хусусий таълим муассасаларига лицензия беришда талаб кучайтирилади
Бу ҳақда Мактабгача ва мактаб таълими вазири Ҳилола Умарова гапирди.
Хусусий таълим муассасаларига лицензия беришда талаб кучайтирилади. Бу ҳақда Мактабгача ва мактаб таълими вазири Ҳилола Умарова маълум қилди.
Вазир тизим йиғилишида бу ҳақда гапирган.
"Таълим давлат ёки хусусий секторда бўлиши мумкин, лекин ҳар қандай ҳолатда бу болалар бизнинг фарзандларимиз ҳисобланади, шуни ёдда сақлашингизни сўрайман.
Бу сиёсатни тўғри тушунмаган, бунга амал қилмаган ҳар қандай ходим тизимдан бутунлай четлатилади, ҳар қандай тадбиркор билан ҳамкорликни тўхтатишга мажбур бўламиз.
Лицензия талабларига ҳамда оилавий боғчаларнинг битимларига бундай ҳолатлар бўйича қатъий талаблар киритилади.
Биз ҳар бир бола ўзини боғчасида эркин, хавфсиз ва қувноқ ҳис қилишини, унга барча шароитлар яратилишини хоҳлаймиз. Ҳар бир бола учун боғчаларда “хавфсиз ва қулай муҳит” бўлишини талаб қиламиз", деди вазир.
