Ўзбекистонлик Амина Маҳмудова халқаро танловда ZEEKR автомобилини қўлга киритди
Туркманистоннинг Туркманбоши шаҳрида "Татар қизи - 2026" халқаро танлови бўлиб ўтди. Танлов дастурига она тили, тарих ва анъаналарни билиш кўрсаткичлари, шунингдек, ижодий танловлар киритилган.
Ўзбекистонлик Амина Маҳмудова "Татар қизи - 2026" халқаро танловида ғолиб бўлди.
Финал Туркманистоннинг Туркманбоши шаҳрида бўлиб ўтди, унда 12 нафар иштирокчи ғолиблик учун курашди, деб хабар беради Жаҳон татарлари конгресси.
Тақдирлаш маросимида ғолиб ота-онасига миннатдорчилик билдириб, уларнинг меҳр-муҳаббати ва қўллаб-қувватлаши унинг муваффақиятида муҳим рол ўйнаганини таъкидлади. Шунингдек, у Татаристон раиси Рустам Миннихановга ва танлов ташкилотчиларига татар маданияти ва тилини халқаро саҳнада намойиш этиш имконияти учун миннатдорчилик билдирди.
Амина Маҳмудова Ботир Зокиров номидаги Миллий эстрада санъати институтида таҳсил олмоқда, у ерда қўшиқ айтишни ўрганмоқда ва вокал ўқитувчиси бўлиб ишламоқда. Танлов дастурига она тили, тарих ва анъаналарни билиш кўрсаткичлари, шунингдек, ижодий танловлар киритилган.
Ғолибга Туркманистон президенти Сердар Бердимуҳамедов номидан бош соврин — ZEEKR автомобили топширилди.
Маълумот учун: “Татар қизи” — татар тили, миллий анъаналари ва маданий меросини асраб-авайлаш, ёш авлодга етказишга қаратилган халқаро маданий-маърифий танлов. Танловга 2011 йилда Челябинск шаҳрида асос солинган. Бугунги кунда Ўзбекистонда ҳам қарийб 200 минг нафар татар миллатига мансуб аҳоли истиқомат қилади.
