Шавкат Мирзиёевга Татаристон раҳбари ҳамдардлик билдирди
10 август куни республикага дронлар ҳужум қилди. Оқибатда 8 ўзбекистонлик ҳалок бўлди.
Татаристон президенти Рустам Минниханов Нижнекамскка қилинган дрон ҳужумида фуқароларнинг ҳалок бўлиши муносабати билан Ўзбекистон президенти Шавкат Мирзиёевга ҳамдардлик билдирди.
Бу ҳақда журналистларга республика матбуот хизмати раҳбари хабар берди.
"Рустам Минниханов Ўзбекистон ва Тожикистон президентларига ҳамдардлик телеграммаларини юборди. Ётоқхонада ҳалок бўлганлар орасида уларнинг фуқаролари бор, жами тўққиз киши", деб хабар берди матбуот хизмати.
Ҳужум натижасида бир тожикистонлик ва саккиз ўзбекистонлик ҳалок бўлди. Минниханов ўз телеграммаларида марҳумлар ва жароҳатланганларнинг оилаларига барча зарур ёрдам кўрсатилишини таъкидлади.
10 август куни республикага дронлар ҳужум қилди. Ҳужум саноат ва фуқаролик объектларига қаратилган эди. Ўн уч киши, жумладан, бир бола ҳалок бўлди. 70 дан ортиқ одам тиббий ёрдам сўраб мурожаат қилди, 21 киши шифохонага ётқизилди. Ҳодиса сабаб жиноий иш қўзғатилди (Россия Жиноят кодексининг 205-моддаси). 10 август республикада мотам куни деб эълон қилинди.
