Президент администрацияси ҳузурида таълим стратегияси бўйича махсус ишчи гуруҳ ташкил этилмоқда
Ишчи гуруҳга жамоатчилик асосида тадбиркор Зафар Ҳошимов раҳбарлик қилади.
Президент администрацияси ҳузурида инсон капиталини ривожлантириш ва узлуксиз таълим стратегияси бўйича умуммиллий концепцияни ишлаб чиқадиган махсус ишчи гуруҳ ташкил этилмоқда. Бу ҳақда Президент матбуот хизмати хабар қилди.
Ишчи гуруҳга жамоатчилик асосида тадбиркор Зафар Ҳошимов раҳбарлик қилади.
Гуруҳ таркибига таълим муассасаларини йўлга қўйиш ва самарали тизимларни яратишда тажрибага эга тадбиркорлар, соҳа мутахассислари, олимлар ҳамда халқаро экспертлар жалб қилинади.
Аввалроқ президент фармони билан Мактабгача ва мактаб таълими вазирлиги ҳамда Олий таълим, фан ва инновациялар вазирлиги ягона Таълим ва фан вазирлигига бирлаштирилгани ҳақида хабар берилганди.
