Apple iPhone Duo билан Хитойнинг букланадиган смартфонлар бозорига киряпти
Duo модели АҚШда 1 999 доллар, Хитойда эса 15 999 юань, яъни қарийб 2 400 доллардан сотилади. Компания Хитойда олдиндан буюртмаларни 16 октябрдан бошлашни режалаштирган.
Apple iPhone Duo билан Хитойнинг букланадиган смартфонлар бозорига киряпти.
Apple янги букланадиган iPhone Duo билан Хитойнинг жадал ўсаётган букланадиган смартфонлар бозорига киряпти. Компания учун Хитой бозори алоҳида аҳамиятга эга.
Counterpoint Research маълумотларига кўра, мамлакат глобал букланадиган смартфонлар савдосининг учдан биридан қисмда кўпни ташкил этади ва дунёдаги энг йирик ягона бозор ҳисобланади.
Бироқ Apple бу бозорда Huawei, Xiaomi, Vivo, Oppo ва Honor каби маҳаллий ишлаб чиқарувчилар билан рақобатлашади. Huawei ҳозирча Хитойнинг букланадиган смартфонлар бозорида етакчи бўлиб, компаниянинг Pura X Max модели Apple’нинг янги қурилмасига ўхшаш хусусиятга эга.
Apple’нинг iPhone Duo модели АҚШда 1 999 доллар, Хитойда эса 15 999 юань, яъни қарийб 2 400 доллардан сотилади.
Компания Хитойда олдиндан буюртмаларни 16 октябрдан бошлашни режалаштирган.
Counterpoint прогнозига кўра, Apple жорий йилда 6 миллионтагача букланадиган iPhone сотиши ва глобал букланадиган смартфонлар бозорининг чорак қисмини эгаллаши мумкин.
Шу сабабли iPhone Duo‘нинг Хитойдаги сотуви Apple учун нафақат янги маҳсулотнинг муваффақияти, балки компаниянинг дунёдаги энг муҳим смартфон бозорларидан биридаги мавқеини мустаҳкамлаш нуқтаи назаридан ҳам муҳим бўлади.
