Трамп "сунъий интеллект" атамасини янги номга алмаштирди
АҚШ президенти Доналд Трамп ижро этувчи ҳокимият ҳужжатлари ва мулоқотларида "сунъий интеллект" (AI) атамасини "суперинтеллект" (SI) билан алмаштириш тўғрисидаги фармонни имзолади. Оқ уй номнинг ўзгаришини замонавий технологияларнинг имкониятларини акс эттириш истаги сифатида изоҳлади.
Доналд Трамп сунъий интеллектни қайта номлаш бўйича ҳужжатни эълон қилди. АҚШ президенти "суперинтеллект"нинг федерал таърифини ишлаб чиқиш ва янги атамани амалиётга жорий этиш бўйича қўшимча чоралар кўриш тўғрисида фармон чиқарди. Давлат департаменти илгари дипломатларга ҳужжатлар ва мулоқотларда СИ ўрнига ушбу атамадан фойдаланишни тавсия қилган эди.
АҚШ президенти Дональд Трамп ижро этувчи ҳокимият ҳужжатлари ва мулоқотларида "сунъий интеллект" (AI) атамасини "суперинтеллект" (SI) билан алмаштириш тўғрисидаги фармонни имзолади, деб хабар берди Оқ уй матбуот хизмати.
"Ушбу фармон барча департаментлар ва агентликларга расмий ёзишмалар, оммавий мулоқотлар, сиёсий ҳужжатлар ва ижро этувчи ҳокимият ичидаги меъёрий ҳужжатларда суперинтеллект ва SI атамаларидан фойдаланишни ҳамда сунъий интеллект ёки AI атамаларини қўллашни тўхтатишни буюради", дейилади баёнотда.
Фармонга кўра, Президентнинг фан ва технологиялар бўйича ёрдамчиси ушбу технологик соҳанинг ҳолатини акс эттирувчи "суперинтеллект" ва SI атамаларининг федерал таърифини ишлаб чиқиши керак. Шунингдек, у янги таърифни амалиётга жорий этиш учун зарур бўлган қўшимча ижро этувчи ҳаракатларни ҳам белгилаб бериши лозим.
Оқ уй номнинг ўзгаришини замонавий технологияларнинг имкониятларини акс эттириш истаги сифатида изоҳлади. "Суперинтеллект" номи бугунги кунда ишлаб чиқилаётган технологияларнинг ҳақиқий имкониятларини ифодалайди ва инсон ижодкорлигининг янги қирраларини очади", деб таъкидланди манбада.
Маъмуриятнинг фикрича, суперинтеллект атамасидан фойдаланиш федерал агентликларнинг эътиборини сунъий интеллект имкониятларини кенгайтиришга ва ушбу технологияларни самарали қўллашга қаратади.
Шунингдек, ўша куни Google, Anthropic, Meta, OpenAI, xAI ва Nvidia раҳбарлари Трамп билан сунъий интеллект хавфсизлигини назорат қилиш бўйича келишув имзоладилар. Компаниялар ички моделлар мониторингини, мустақил аудитларни ва бошқарув қўмиталарини ташкил этишга келишиб олдилар.
