Трамп Украина бўйича "катта келишув"ни эълон қилди
Лекин АҚШ президенти келишув тафсилотларига тўхталмаган.
АҚШ президенти Доналд Трамп нафақат Украинага, балки бутун Европага таъсир қиладиган кенг кўламли тинчлик шартномасини тайёрлашини эълон қилди.
Россия ҳамда Украина вакилларининг АҚШ биринчи хоними Мелания Трамп билан учрашувидан сўнг, Трамп Владимир Путиннинг вакили Кирилл Дмитриев билан алоҳида, ёпиқ эшиклар ортида мулоқот ўтказди.
"Бу катта келишув бўлади ва у нафақат Украинага таъсир қилади, балки мен ҳатто бутун Европани қамраб олиши мумкинлигини айтардим", деди Трамп журналистларга.
У бу "ажойиб келишув" бўлишини ва ҳамма хурсанд бўлишини таъкидлади.
Украинадаги можарони тугатиш истиқболлари ҳақида гапирар экан, Трамп шундай деди: "Менимча, биз буни тез орада амалга оширамиз".
Лекин АҚШ президенти келишув тафсилотларига батафсил тўхталмаган.
