Ўзбекистон Осиё ўйинларида 10-олтин медални қўлга киритди
Айни пайтда Ўзбекистон ҳисобида 10 та олтин, 17 та кумуш ва 10 та бронза — жами 37 та медал мавжуд бўлиб, умумжамоа ҳисобида 4-ўринда бормоқда.
Ўзбекистон Осиё ўйинларида ҳозиргача 10 тта олтин медални қўлга киритди.
Кураш бўйича Ўзбекистон терма жамоаси аъзоси Ибодатхон Агожонова делегациямизга олтин медал келтирди. -57 кг вазн тоифасида иштирок этган Агожонова финалда Хитой Тайпейи вакилини мағлуб этиб, мусобақа чемпионлигига эришди.
Эркаклар ўртасида +90 кг вазн тоифасида баҳс олиб борган Шоҳруҳхон Бахтиёров финалда тожикистонлик Шакармамад Мирмамадовдан устун келди ва делегациямизнинг 10-олтин медалига муаллифлик қилди.
Осиё ўйинларининг 7-кунида эса Ўзбекистон делегацияси 3 та медални қўлга киритди.
Унда жамоа аъзолари 1 та олтин ва 2 та кумуш медалга эга чиққан.
Шаҳриёр Маҳкамов байдаркада эшкак эшишда олтин медални расмийлаштирган.
Арина Танатмишева байдаркада, Владлен Денисов ва Нилуфар Зокирова жуфтлиги эса каноэда кумуш медалларни қўлга киритган.
Айни пайтда Ўзбекистон ҳисобида 10 та олтин, 17 та кумуш ва 10 та бронза — жами 37 та медал мавжуд.
